已經好耐冇寫過傳說中的日記。
好啦，決定正正經經寫篇。
回來墨爾本兩個禮拜，生命裡首個最炎熱二月轉眼就要完。
墨爾本白天熱到不像話，每天傍晚坐在蒸籠似的房間，穿著背心依然汗流浹背。
早上又凍到部單車掛滿水珠，好似從冰箱拎出來一樣。
別談功課壓力吧，光是每天早起騎單車爬斜坡搭火車轉電車再步行放學又是搭火車踩單車爬斜坡已經很累人。
最近習慣上discuss分身插人，忽然之間剖白心情流水賬數來寶地感性一番很是困難。
入了RMIT感覺壓力頗大。不過終於告別了hea到爆的頹廢日子，找回一些生活質感。



話說入學時每人派了一袋嘢內含一些基本課程介紹和校曆、廣告等。竟然還有一粒朱古力同兩個避孕套，又會咁體貼。


（粒朱古力俾我食咗了）

上了半個禮拜堂，總的感覺就是果然是世界出名的專業——竟然成個campus用最新款apple desktop。
反而是導師沒有期待中的有趣起勁，還好一班新同學仔算是啱channel。
禮拜四適逢新朋友Jessie生日，一班同學特別為她慶祝。


(發覺依家世界各地大部分餐廳侍應影相都影得差到死...)

前兩日執嘢時諗住拎返只香蕉先生出嚟掛下，點知道..買咗兩個禮拜用咗兩日之嘛佢就無端端傷痕累累了。哎。好在當初係我自己俾錢買啫。



今日食了pizza千層面薯條沙律和Ryan秘制的香蕉布甸（其實算係布甸咩?），好飽。咁樣收尾係咪好突然？我都覺得。就嚟唔識寫字了。

 

 

 

 

 

 

 

 

希望你明我講乜。
明日去澳門，晚安。

一段小插曲，話說以下這圖，初初我還以為係Sunny。
仲心諗，Sunny應該冇咁樣衰，咦，點解仲咁似我。

 

 

 

 

 

大家有冇睇頭兩集哈林同鄧健泓主持嘅耳分高下呀?何韻詩超搞笑!

同三哥斗大聲已經笑到我死:

[三哥你好靚仔啊~~~三哥你對腳好修長啊~~~三哥我愛你啊~啊~啊~!]
跟住舔郵票c-hing勁屎，先得6張。
點知傻菇正能量爆發竟然舔到19張，三哥江若琳啱啱輸一張，阿詩勁到!
前晚仲好睇，阿詩啲舞步gag爆。

 

某前任男友說我每個月花費在雜志上的錢比他的全部消費還多。

佢呢個演繹，只係表明佢花費得少。
其實我真不是買很多雜志。
莫禮斯最中意買下《東方新地》/《忽然一周》和《milk》/《東touch》（注意“/”）......或者有時加些別的。
比如《城市畫報》或《men》，或其他，見到霎時有過電反應便買。
我唔反智，亦唔裝B。
係唔中意睇國家地理雜志，吹咩。

好，我承認我八卦。
但中意八名人私隱多過路人私隱，同學A和同學B的戀情從不跟進永無搭嘴。
朋友買《東方新地》爲了附送的《more》，化妝品手袋米蘭巴黎春夏新款。我又冇乜興趣。
買八卦雜志當然係買八卦，凈係睇下藝人花名都夠funny，之後仲可以同生熟朋友吹返兩嘴，抵玩。
另一邊廂曾嫌《忽然一周》唔夠抵死。但後來又好中意買，全因《飲食男女》係摯愛。
《milk》和《東touch》可以當係時裝地圖掃貨指南。
建議二選一，好多時都係同一單料同一個手法講。
唯一取向有差就係後者走中端路線，推介products較平民價。
又有時購入純粹只為個cover影得靚，或見某角落個標題幾吸引：XXXX全新系列。又幾想知。
可惜很多時買了返去掀到爛都搵唔到個全新系列，原來貌似廣告嗰半版就係。
不過有樣好，唔係點得我長期捧場？就係佢哋長期為何韻詩賣足廣告，其實唔憂冇嘢睇。

細個買雜志全爲偶像，雖然偶像總會奉勸fans不要買不要看不要相信狗仔隊。
但若co了ver或占了半版甚至更多，還是要買的。
但若然個藝人本身被某家的狗吠過咬過互片過，就會指名道姓諭fans別買那雜志。
一旦買了還post上forum，仲得來萬箭穿心的悲慘下場。
所以我以前從來唔睇《忽然一周》。
大個冇咁笨，偶像嘅說話唔係聖旨。我話我有能力去辨別信唔信得過之前點都要睇咗先。
當然仲有一個大原因，就係我換咗偶像。

呢啲雜志總會是捱時間的良朋知己。
太大本嗰啲拎住行街袋到你死，死塊地磚又厚又重。廣告多過內容。
其實以上講嘅都唔輕，勝在睇玩即棄唔心痛。
搭地鐵，等朋友，企住坐住逼住又好，隨手掀掀，飛過廣告、麥浚龍專訪和麥玲玲飯局，點都得。
攞本《華萊士人魚》或《德語課》，太裝B。(廣東話斯文啲，叫做扮曬嘢，其實又可以粗俗啲演繹：扮X曬嘢。)
拎部PSP又要戴耳筒又要換電池，等佢load load load，搞得嚟都落車。

你都買返本齊齊加入低智讀者行列啦！哈......
做人，每星期可以笑下，八下，買下衫，食下嘢，其實已經難。
無謂勉強自己關注邊度經濟復蘇邊度文化淪陷邊度海平面升高，係咪。
Pleasure in do everything you want.

 

 

 

元宵尚未過，還算是新春。朋友投訴我近來失蹤，所謂專題亦即解釋下數天來我搞了邊科。
高三以後幾乎沒了過年的感覺。當年血拼各款試題連年初幾都無概念。
之後移居澳國，學校體貼地為留學生搞了一個啼笑皆非的新年露營。大風大雨黃沙袋鼠奉送美麗驕陽，中國人過春節點可以露營？
講咗咁耐其實都係兩年咁大把，物是人非。
今年難得在家過年，一定玩鋪盡的。事實上又無。
回了鄉上香給不知是誰，見了一夥親戚，一個兩個三個四個堂細佬堂細妹，可愛程度令人笑逐顏開，可是細我十幾廿歲無法溝通甚至分唔清誰是誰兒子誰是誰老豆就匆匆走人。吹吹水玩玩牌難得熱鬧，十幾年如此，理應完全融入，事實上又無。不過仍然感覺良好，意猶未盡。臨走父母醉酒收場只能草草走人，不免遺憾。心裡清楚可能再也回不了那個地方多少次，有些唏噓。

沙田新城市廣場有間意大利餐廳，可惜我老人家唔記得名，個乾煎鴨胸意大利飯絕對出色，煎脆了飯的表層，內裡卻混了芝士菠菜，煙韌軟滑。喺負一樓間泰國菜對面，略貴，不過好贊。




最搞鬼都係應節的年糕味雪糕，食之前完全無法想象年糕什麽味，但一入口即有念頭：嘩，朕味真係好年糕！



睇咗《Marley & Me》，久違的溫馨平淡真實貼心。不過要一彈剪接，有些突兀。沒驚喜又沒失望，不妨一看，建議看DVD。入戲院60蚊一張飛，雖然有差唔多兩個鐘，但唔算抵。

重點想講《遊龍戲鳳》，其實這類搶攻賀歲檔期的愛情小品不乏前科套套大同小異。今次《遊龍戲鳳》論劇力真不算出色，但勝在溫馨浪漫輕鬆好笑，近年已經極其少見這類劇種還有大卡士。若大家新春佳節買張飛圖個開心，《遊》絕對滿足你，全程笑位不絕。一贊劉偉強不愧攝影出身，他鏡頭下的澳門華麗奪目。二贊配角出色，尤其何韻詩和張涵予配搭新鮮有火花，比主線有睇頭。全劇流暢，集齊好笑浪漫感動。唯一抵鬧係ending交行貨。overall絕對值得入戲院一睇，攜眷更佳，誠意推介。

去香港指定動作必是shopping，bape好耐冇出迷彩，難怪新貨一返即斷，Nigo親身示範的風褸晨早搶曬，好在都俾我執到件細碼藍色迷彩sweater。另外fingercross和Xlarge減價，前者大量新貨，後者40%off，抵買，fans快入手。



呢隻叮噹版野人Milo，一眼就中意咗佢。納入囊中。



還入手了Nike的情人節特別版sweater。包得靚到......





覺得今年件情人節最靚。
呢對傳說中鞋底可以對摺的airmax，幾舒服的，又冇黑色鞋，好，我嘅!



最後，今天應該更高興，今天又換髮型，哈。

 

 

 

 

莫禮斯最近看了《非誠勿擾》。評價是：北海道好靚，劇情一般，冇咩特別。

聽講最近《瘋狂的賽車》很火爆，看了預告片，沒有激起我一丁點興趣。

想當年的《瘋狂的石頭》也叫我看不太下去......

好吧我坦白承認我不懂欣賞這類大陸電影文化。

期待《遊龍戲鳳》的溫馨浪漫，何美女配張鹹魚。

 

《遊龍戲鳳》大年初一正式上映!多多支持啦喂!

 

 

 

 

 

 

 

 

病倒了。

看來我真是非一般的孱弱。

旅遊歸來至今感冒都未斷尾，通了一晚宵就誘發了胃腸型感冒。

又屙又嘔發燒，昨晚不得不漏夜就診打針。

死啦，會唔會係禽流感ga?????我唔想死住wor。

拿拿聲補充返09年新年願望，今年唔貪心，凈係希望自己以及各親友都身體健康平平安安。

 

近日決定留在家中靜養，上youtube竟發現了此超級意淫物。

 

 

“如果我們用x-ray照照容祖祖的心，是不是可以看到何詩詩。”

查小欣又不是fans，怎么可以講出這樣不負責任的話來呢，除非，是事實。哈。

 

 

 

 

 

在一個不知道是陰霾還是晴朗還是漫天烏雲翻動的日子首次見到了手術臺的白光。
下一次見的時候可能就要歸去那個黑漆漆的洞穴永遠出不來。
自己仿佛從來沒有認識過童年的自己。
家人每次眉飛色舞地形容著我是如何學老虎叫如何忽然之間站起身行走如何在床上滾跟頭跌落地下的時候。
自己總是在一旁和著笑。
像在看地鐵裡面小屏幕播著的一系列"笑笑小電影"，像在笑那些別人的事。
自己的童年永遠都是被人訴說被人塑造的。
僅有的記憶最後也分不清楚是對事實的記憶，還是對自己曾經想象的畫面的記憶。
自己也不知道自己是誰，還好不自信也不自卑。
童年的陰影頂多是在寄宿幼兒園的走廊望著廣州HONDA的電視塔垂淚，想回家睡覺想看賓尼兔和吃威化餅。

有了記憶開始就不是乖小朋友。
喜歡看電視喜歡喝汽水，身心都沒走上健康發展的道路。
多年來恪守"功課一係就抄一係唔交"的宗旨。
初中每逢假期結束即將開學前那個夜晚就是我惡補作業的不眠之夜。
到了高中乾脆免了惡補，博老師唔check，可幸是常常都博到。
於是最後落了一個逃亡海外的結局。
父母要求名校的冠冕讓他們覺得投資保本。
於是就在胸前別著不同的名校勛章走了十多年路。
我付出的努力比其他同樣別著那些勛章的人少，但父母付出的資金卻較多。
在路上買買衣服吃吃魚蛋迷迷偶像談談戀愛不務正業，到現在名校的勛章還在，上天保佑父母眷顧。
這種投資是滙豐還是中石油，還是雷曼。
好歹我有個名字好聽的畢業校院。

但我是好人。沒有想過要害人，也沒有被人害過。
很乾淨的少年。

初中時穿著平價的衣服和雜牌的波鞋努力按著手提電話的鍵盤向心儀的男生示愛。
那時學校有個荒唐的"趣味運動會"，有項荒唐的比賽是"單車鬥慢"。
那時舉著相機站得遠遠的拍下那男生的照片。
那時不知自己在用的Nokia 8210有多風靡，那時不知自己的數碼相機比大大部但覺得很有型的菲林機更值得讓人驕傲。
那時同班同學還沒多少個有手機，應該更少人有自己的數碼相機。
那時一心只想要對百事的新波鞋。對，那時百事出過波鞋。
那時已經穿著nike，卻覺得百事的鞋底比較厚能讓我穿起來高一些。
長長的頭髮隨便地扎在腦袋後面，滿臉痘痘，眼睛迷糊。心卻是明凈。

那時覺得佐丹奴、bossini、班尼路都是不知幾威水的名牌。
那時有謝霆鋒、劉德華、王菲代言。
那時自己偷偷買了件I.P Zone的綠色外套天天穿著不捨得脫。
那時放學走過北京路都是一股莫名其妙的興奮。
更早之前還在文一文具店買齊了鐵達尼號的post card，還與同學交換各式各樣花花綠綠的信紙。
現在已經不怎麼經常經過那頭。
那些以純、美特斯邦威、安踏和說不出牌子的服裝店已經絲毫吸引不到我。
文一的店也遷走到了不知哪裡去。

人大了，要開始穿著華服，享受生活，才處變不驚，才悲喜從容。
儘管在外國，這套理論貫徹得過了火。
身邊的每一位進名店比進快餐廳多，一身歐美名牌，日港潮物。
課可以不上，行頭絕不能稍微輸蝕。要不然是無法立足無法社交比無法畢業嚴重得多的生存問題。
這是不能改變也不能逆轉的海外留學衍生之社會問題，所以我一向覺得不是問題。
有問題的是，華服講究質料設計，當然也講究品牌價格。
但當後者放得太大超越了前者，就將本來的處變不驚變成了笑話。
一個自卑的民族的笑話。

窮人儘管如何自嘆知足如何強調"精神富有"，或如何一朝成名一夜暴富。
多數人那種與生俱來的自卑一世也無法泯滅，注定了一開始就"輸咗個陣"。
郭敬明就是這樣一個有趣的例子。
他應該是個自卑的人，因為他有才華，他自負，但他的出身只是平民而不是貴族。
所以現在的他怕極了全世界不知道他已經成爲有名望有地位有財產的少年富翁，於是整天忙著為自己打貴價標籤。
貴族是因為忽然有了錢就被稱為貴族？還是因為本來就出生在莊園從小學習馬術收藏紅酒？道理很簡單。
真正的貴族又豈會看不穿對方的行頭架勢，國人何必那樣慌張俗套地logo外露。
我說得口響，不過我承認我都自卑。我都想買名牌充場面。
我都爲了得到相貌出色條件出眾的人的青睞而努力裝過身。
之後果真有個這樣的人青睞了我。
但我已青睞了另一人。

當我遇上那個還在用著四年前的手機，穿著穿窿的Ralph Lauren冷衫的人時，我就知道我會愛上的。
那人經常處變不驚地微笑，說著去世界各地旅行的精彩見聞，說著在內地山區助學兒童和大學上莊的有趣經歷。
那人曾經可以移民加拿大澳洲，那人大學畢業去過美國工作，但那人驕傲地說最愛香港不會離開。
那人有很多朋友，有的住山頂，有的住太古城，有的住天水圍，有的住屯門，那人與他們一樣要好。
那人家裡不富有，甚至父親不健在，偶有爭吵，但很溫暖，那人不買衫不買鞋，準時給家用。
那人淡淡地說母校是英華會考23分時，完全看不出有什麽好炫耀的神色。
當然事實上那人也沒有什麽優點值得炫耀，哈。
在銅鑼灣街頭人人提著新款名牌手袋的這樣一個社會，提著個爛袋還很驕傲地說不想換掉的原因是妹妹送的生日禮物的人，是很可貴和可愛的。
這樣的人，若果愛上我，一定是愛上我的人而不是我的行頭吧。
雖然至今這個人一直維持著樸素節儉的宗旨嚴格要求自己，也嚴格要求我。
但仍然送我NDS，Link Of London手鏈，鉆石耳環，整套ten days of christmas精品...
現在，我身上穿著The North Face的羽絨，是那人怕我過年回鄉天氣寒冷給我留下的。
可能是那人最貴的衣服。
前面不長的一生遇到了很多等錯地方約錯時間的人。
現在也許是花光了上一世和下一世的運氣來遇上這人，前路并不如期望一樣暢通無阻，乍看艱險非常。
兩人依偎著匍匐前進。

如果成了功的人才有資格寫一篇文章去自嘲過去。
那麼《一事無成》現在該成為我的絕唱。
寄望來年仍順利佩戴那枚名校勛章，仍有充足資金注入保證我行頭得體。
還有就是細水長流，身體健康。

回顧從前的一切都可以笑得出聲哭得出淚。
曾經少年不知愁，黑髮三日薄染霜。
我没受什麽刺激，閒來一省吾身矣。

 

新電話陸續有嚟，無奈一部係大陸機，一部係移動機。忍痛決定唔要。我唔係扮曬嘢，我扮曬嘢通常都認。一來，大陸機打唔到又show唔到繁體我同人哋點溝通？另外，移動機即係要用返移動sim card，我返澳洲部機咪廢咗囖?嗱，係咪頓時覺得我嫌棄得佢哋好有道理先。



今日著得太少決定買返件新衫夜晚返歸著。你最憎嘅莫禮斯永恒最愛之一nike，呵吹咩。



每逢旅遊歸來總需要時間沉澱，請某人耐心等待。  

update@midnight

夜深人靜總是獨自思考的好時機。哈。我來了。

人類面臨愛情的時候總是企圖占有一切，包括眼前人的過去和舊愛人的現在。
總要企望能在他們的心目中有什麽特別閃亮的形象甚至圖著當永恒的最愛。
同一時間又貪心地擁著一個或多個說你是我的最愛。
每個人都是這樣，憑什麽不信，又憑什麽信。

第三者只是一個遲到的人。或約錯了地方等的人。
并不代表他/她不是你原本要約的人。
理論上愛情是有分先後的，但事實上沒有。

一個人爲了一個人拋棄另一個人。
只能說明他/她目前愛這個人比那個人多。
以及顯示了以後他/她也很大機會拋棄這個人。
至於被人拋棄的人是很慘。但生活就是這樣的。

十日又好十年又好，時間不是限制分手的理由。
勇敢去愛也勇敢去不愛，才是大士所謂。

 

 

 

 

 

 

 

 

 

 

 

 

下場1：又感冒。

下場2：手提電話連重要意義GUCCI電話繩被偷，新電話15145117552，舊電話唔好dl，稍後仲會用返。

下場3：得到大列巴一個，有冇人想試下？

 

 

 

昨天的話：
今年是不幸的一年，
但亦是有趣的一年，
我們都那麼努力地度過。
各位明年見，
請繼續努力。

莫禮斯今夜約了偶像倒數，哈，拜拜。

 

今天的話：
昨晚在尖東經歷了一次反高潮的除夕倒數。
見到何韻詩，真高興，偶像真係好型好有charm。
不過佢病咗失聲，唱《美空》要咪嘴，希望09大家都take care。
今日食了好多好味的食物，真滿足。
有啲可惜今年實在唔得閑睇叱咤，不過返嚟睇返賽果令人頗驚訝。
方大同竟然贏咗古巨基攞金獎，一首粵語歌都冇囖唔該......一嚟就金好奇怪。
古巨基好慘，難得今年阿臣唔玩，居然臨尾輸俾方大同。
我最喜愛女歌手竟然係謝安琪......？？乜佢真係咁受歡迎咩？？呢啲真係所謂“虛火”囖！
你話俾個女金佢都算啦，但我覺得佢一定唔係“最受歡迎”囖！
點解唔係楊千嬅或者何韻詩呢？？呢個獎俾佢兩個任何一個，我覺得都攞到平衡同贏到民心，但謝安琪，講真，好多師奶都未必識佢啦。
哎，佢今年掃六個大獎，真係行埋下一世嘅運。
何韻詩冇獎雖然都算係意料之中，但有啲可惜囖。
其實《韻律泳》《滿地可》《青山黛瑪》《美空雲雀》......唔好咩？可能唔hit啦？我覺得佢今年做得幾好。
不過算啦，佢自己做得所有鋪排就預咗白果，我又覺得冇乜嘢嘅。而且今年佢賣碟排第四，都算可喜可賀。
而且見到網上好多朋友戥阿詩唔抵，仲覺得幾安慰添。
Wyman前幾年攞叱咤獎時講過，寧願攞唔到獎俾人覺得唔抵，好過攞咗獎令人覺得唔值。
何韻詩，我支持你。
其實啲獎項我唔係十分志在，亦唔會因此唔開心。
唯一就係希望佢仍然可以拎到至少一次個大碟獎，因為我真心覺得佢啲大碟真係好值。
希望阿詩嚟緊唔會俾獎項束縛咗，可以好似明哥一樣，專心喺音樂同人生上尋求突破。
其實08年好多“債”尚未還清~不過明日一早出發前往大東北，希望一切順利安康愉快。
各位再見！

 

ps:嘩，大家有冇睇到林夕串Juno？？我覺得林夕咁做比較冇品wor...Juno又冇得罪佢，唔中意寫俾佢咪求其搵個藉口推咗算囖？堂堂大師級咁樣喺臺上串人哋，真係唔要得。 

 

 

 

 

 

Boxing Day當晚飯都食唔切就急住從尖東趕返家看新城勁爆頒獎典禮，好在趕得切看到阿詩掃四獎，也看到謝安琪唱年度勁爆金曲囍帖街唱到流淚啜泣。這個畫面相當有趣，當然這不是第一次有人拿新城的獎拿到哭，但絕對是令我最o嘴的一次。爲什麽o嘴呢，因為她是08年最勁的歌手阿Kay，而不是什麽坐爆冷板凳的半新不舊人。

如果話舊年係張敬軒年，那麼今年為之謝安琪年似乎太小兒科。謝安琪今年行運行到落腳趾尾，一朝飛上枝頭變鳳凰就係呢一挺。咁樣講，或者對阿Kay唔公平，因為，其實阿Kay在樂壇默默耕耘咗已有三四年時間，絕不是忽然暴紅的，她的風格和聲線都注定她可以上位是遲早的事。我早就批佢會大紅，而衛蘭薛凱琪同王苑之唔得。后三者輸俾謝安琪嘅，係歌路、氣質同運氣。當然運氣我係批唔到，包括批唔到佢會紅得如此快；你話我又點批得到從未喺勁歌金曲頒獎典禮攞過獎的她，極少師奶叫得出佢名的她，今年突然被譽為金曲金獎的大熱門和最受歡迎女歌手的黑馬。當然啦，堂堂中文大學畢業謝安琪，凈係年齡都大過何韻詩，佢嘅學識涵養人生歷練如此豐富，豈會志在與靚o妹仔鬥個你死我活？一來就直逼容祖兒，才是典範。

謝安琪喊，應該是衷心咁覺得自己行運，應該是默默多謝神，或者是默默多謝郭偉亮與黃偉文，又或者是祈求俾佢攞埋最受歡迎女歌手。我咁講，并非忽視佢嘅實力，佢嘅實力是有的，但係咪真係有實力到可以擊敗一眾歌手到如此地步呢？所以，若果真的如報紙所言，佢將會奪得跟住落嚟的叱咤樂壇頒獎典禮叱咤樂壇女歌手金獎與叱咤樂壇大碟獎的話；我只可以講，佢贏王苑之甚至乎何韻詩啲咩，就係贏運氣。

可能王苑之嘅歌路同佢與世無爭嘅性格以及樣貌注定唔夠謝安琪揮，但何韻詩呢？冇錯，其實我講咗咁耐，就係想講，何韻詩輸俾謝安琪我條氣真唔順。唔係講今年，今年的何韻詩早就更與世無爭了。但回首當年的《梁祝》與《What Really Matters》，哪一點輸給《Binary》？《木紋》哪一點輸給《囍帖街》？換轉如果《木紋》今年先派，是不是就不用屈居第五名？《木紋》真唔抵。何韻詩奮鬥了十年才登得上叱咤之頂，even是容祖兒也何嘗不是犧牲甚多來鞏固事業基礎。謝安琪這樣一朝登頂，真叫人紅透了眼。

何韻詩從今年開始更加走出了那個流行樂壇的框框，而謝安琪本來就是高一線的人物，奈何今年的她正逐漸走入那個框框。無論如何，我知道何韻詩的高峰不會是在什麽獎項上實現，容祖兒八連霸也好十連霸也罷，都唔關我事。其實，謝安琪這樣橫空拔起是大好事一件，有激烈競爭的樂壇才會更有生氣。不管她是不是我杯茶，她的音樂和她的人，紅起來，起碼比容祖兒繼續這樣統領下去好得多是吧。

08年如果說是謝安琪年，我覺得不甚準確，應該說是：謝安琪的時代來臨了。好講完。

接下來是每年一度莫禮斯十大我最喜愛唱片：
純屬個人喜好，你有你揀我有我揀，我承認我向來只聽華語作品，尤其今年聽得台灣大陸歌不多，因此入選作品幾乎全部港產：分別有麥浚龍的《words of silence》和《Why》，何韻詩的《Goomusic Collection 2004-2008》和《Ten Days In The Madhouse》，謝安琪的《Binary》，容祖兒的《In Motion》，黃耀明的《King Of the Road》，at17的《Over The Rainbow》以及方大同的《橙月》。選完出來，發覺只得九張，好啦，剩下一個名額俾蘇打綠的《陪我歌唱》新歌+Live啦，哈，呢一票純粹偏心票。

我嘅心水，如果大家未聽，不妨聽下，希望各位明年繼續有好歌。

 

 

 

唔係冇良心，點會冇良心？依家即刻有良心！講完送出的聖誕禮物，都好應該分享一下收到的聖誕禮物。另一半很有心，去了偶像的展覽為我搶購紀念品。雖然好遺憾聖誕節當日由於本人嗜睡成狂錯過了限量版手錶的搶購時間，不過另一半今次的聖誕禮物絕對已經足夠彌補有餘！而且真係令我好驚喜：明明講好一齊前去參觀購買，佢個傻人竟然自己走去買咗先，好衰架偷步。不過何韻詩仲衰，揀1月4嚟搞簽名會，唔。

以下是莫禮斯愛的聖誕禮物大公開：

首先有我最恨要嘅何韻詩乘以麥婉欣《十日談》紀錄片DVD加雜志精美boxset。


之後落嚟係絕對限量（琴晚去到個展覽現場呢樣產品已經售罄了）的神秘襟章。講到明神秘，梗係凈係得我先知入面係咩樣啦，唔俾你哋睇。


再之後係一set五張的紀念版christmas cards。


黛瑪小火柴筷子一雙，非常靚靚。


呢本notebook真係好鬼死靚又夠實用，原本仲諗住買返本Louis Vuitton Daily Book，依家一定prefer呢本唔洗買！


終於輪到主角登場喇！Cute到原子彈爆發嘅小黛瑪，嘩！Cute到呢~件斗篷仔入面嘅白色衫衫有小黛瑪個名，可以除佢頂帽仔，仲可以除埋佢條白色褲仔露出條純情小白un，好鬼死趣致。呢度都要一贊偶像的系列精品製作精良，勁注重Detail位，絕對物有所值。


連環保袋都整得好有心思，紅色襯黑色，醒目又有節日氣氛。正反面分別印有本次展覽title“THE TEN DAYS OF CHRISTMAS”以及何韻詩慈善基金的字樣圖案。


最後奉送莫禮斯與Cute到喊的小黛瑪合照兩張。


今個聖誕真係大快樂。多謝另一半，你做了善事又令你另一半咁開心，你真勁，俾十個勁你。係米好有良心先？哈~真係好中意呢份聖誕禮物，多謝曬。不過如果何韻詩唔好揀1月2號至10號搞簽名會就好喇。

 

 

 

 

 

 

 

其實我自己都好期待呢一份禮物。見咁高興，一於同大家分享一下莫禮斯08聖誕獻禮，燈燈燈凳——MORRISWONG s BLOG Collection，簡稱Morris的Blog Book。顧名思義，就係將莫禮斯05至08以來嘅每一篇日誌每一幅照片印刷成書！作為一份別出心裁的禮物，當然唔會將所有日記照搬咁冇heart，有我呢位勁有心思諗頭嘅送禮小天才喺度，絕對將所有內容整理得靚仔企理編排得精彩絕倫，仲特別追加08聖誕限量版內容！本blog book初出爐時連莫禮斯本人都愛不釋手唔捨得送出去，是否很精美很震撼？一齊嚟欣賞下呢份禮物嘅真身啦：

cover有特邀嘉賓小咩倫。

成本辭典咁厚，絕不欺場。

作家大名——Morris Wong。

其中一版內容。

Everything By Morris。

 

全書采用銅版紙彩色印製，裝訂成冊，精美非常；係咪講到你哋都好心動好恨擁有一本呢？可惜呢本08聖誕特別號blog book限量一本，連我自己都冇，希望佢嘅主人好好對待佢。呢本blog book雖然只係自製，但亦係莫禮斯生平第一本屬於自己嘅書，感覺依然叫人十分興奮。莫禮斯本人都不知幾中意，佢嘅主人一定更加中意到爆爆爆爆爆啦係咪？

都話莫禮斯係送禮小天才，當你在想：[嘩！咁大份禮物？！好感動啊！]時，莫禮斯還會為你送上又一份厚禮：

驚喜陸續有嚟先係小天才所為。今個聖誕，有人應該大快樂啦係咪？冇錯，莫禮斯都係大快樂人之一，希望你你你你你你你你你你都係啦。

 

 

 

 

 

 

 

聖誕前夕天昏地暗趕著籌備送給某人的聖誕禮物。
忙到抽空寫兩隻字的時間都冇。
專注度十萬八千八。
不過今次這份禮物其實也給了自己很多得益。
說起來真是回味無窮。
希望中意啦。

在香港渡過的2008聖誕，雖然比較平淡，但也泛著絲絲甜味。
現在才有空更新，遲來地祝大家聖誕快樂！

 

 

 

今日上一個forum見到啲人又攞方文山同林夕黃偉文比較，仲斗膽話香港樂壇再冇好歌同好歌手......

忽然之間令到我好多嘢想講，又順便回顧埋每年必做嘅top10唱片啦。不過今年懶咗好多同埋變咗主攻電影，唱片聽得少咗，所以決定改寫top5。

哎......其實都寫咗三五行ga喇，但奈何搞咗幾日個頭都仲係十分之痛囖唔該，點解呢點解呢點解呢？唯有乖乖食晏食藥遲啲再update，快啲好返快啲好返快啲好返。

仲有！有冇朋友呢排去開香港架？話說海港城有個好鬼正嘅慈善exhibition wor！信我啦，真係好正，你哋睇連潮B都力撐，仲唔快啲去睇埋一份，仲可以襯後生做多啲善事積多啲德，第日賺起錢上嚟，好多人冇情講架lalala....

 

 

話說呢個B駝住隻小黛瑪真係cute到震。

 

 

 

 

 

忙碌到冇咩時間寫網誌。
不過忙碌還忙碌，仲係要寫返兩句。
今日實係好日子，皆因一pair結婚，兩pair宣布結婚，恭喜以下三對新人。

本來想寫何韻詩嘅碟評，不過剛才看了倪震的專訪覺得有句話他講得幾有道理，他說他有權選擇喜歡的國家入籍，這相當于自由戀愛。忽然有感而發，淺談一下個人見解。唔啱聽可以過主，唔好轟我，我驚驚。

我們出生在這個地方於是這裡就是我們的家。但自古以來先有國後有家，國大於家。我們出生在這裡，我們天生就應該愛自己的家，更何況國？因此各個地方各個部門各個單位各個學校就有了“愛國”這條某程度上幾無稽的訓示。我本人強烈表明立場，我絕對不是不愛國，但還是想問不愛又何如？

看不過眼各種社會現象，政府架構，施政手法，甚至只是純粹不喜歡路上行走的人。雖然感覺上這樣的人很討人厭，那又是另一個問題，但他們沒有錯。

一個人天生有權利去選擇他喜歡的地方生活，也應該有權選擇自己喜歡的國籍，這是一個人和一個明文國家的“自由戀愛”。某某明星入籍某某國家惹來軒然大波，慘遭網上紅衛兵猛烈討伐，其實真是無聊。人家選擇自己喜歡的國家入籍，等於你搬到一個你喜歡的區域定居。人家入籍外國，就等於背負賣國的罪名，就等於喪失社會責任感，這樣的指控我覺得很幼稚。

另外所謂歧視，在漢語詞典裡解作不平等地看待，事實上人天生就不可能平等地看待所有事情。我覺得“歧視”這個term更應該趨向實質問題來解釋，而解作因為種種原因而剝奪某一類群體的合法合理的權益。因此，南方人嘲笑北方人，香港人看不起大陸人，外國人排斥華人這些現象，我覺得只要沒有觸犯到對方的合法合理的權益，其實是理所當然存在的。所以，我不認為有問題。試問你們可以平等看待嗎？不可以吧？我自問也不可以。那還吵什麽。

我沒有說自己的國家不給民眾自由，國家給了，只是門檻很高。所以很大聲帶頭討伐的人說不定還很恨拿綠卡，所以很多時，有些事情遭到大部分人反感，除了它本身有所謂道德倫理上的缺陷以外，還有就是激發了群眾的心裡不平衡。即所謂的妒忌。妒忌人有能力實現兼實現得到一些其實你也很想實現但實現不了的事。自古就有童話故事來揭示這一真理：吃不到的葡萄是酸的。誰叫跨不過和跨得過那門檻的人數比例那麼叫國民絕望呢。

其實很能夠明白香港人驚回歸啲咩，他們現在擁有的自由是我們望塵莫及的。大家不覺得現在的生活有什麽問題，因為很多東西你不曾擁有；而你擁有過後，又怎麼能夠忍受失去。

深入的問題不談，只談自己的切身利益，有沒有人很反感“旅遊簽證”這一回事？我想去日本，但唔中意跟團，點解就唔俾我去先？單憑這回事，我都幾恨做香港人。其實我好愛國的，香港也是中國的一部分。起碼我又不會好想入籍澳洲先啦。

細個已口多多的我經常鳴著幼稚的不平，爸爸媽媽同我講那是具體國情，沒有別的選擇，現在只能是這樣，換來我一句：“咁又係，算啦”做完美收場。長大之後都明白，不僅是社會，單單我們的生活，大家都太多的無可奈何。但又不妨諗一諗，既然有不滿，何解要“咁又係，算啦”來尋求安慰，何解要去妥協而不進一步思考到底什麽是具體國情，我們的社會是不是真的沒有進步空間。一個唔妥協的社會，才會進步。社會需要遊行集會并不等於需要暴力抗爭，社會需要傳媒監察聲討，并不等於需要罵戰討伐，而是需要有人真正愿意站出來，讓社會有不同的聲音。

從濕吻事件主角，到選擇國籍，到歧視，到自由，到具體國情，到社會進步空間。好似全無關聯，天馬行空，是但發up風；也不企圖說服任何人；但，起碼我肯諗下呢啲你哋可能唔會諗嘅問題，好勁架啦。